Halyqqa qyzmet kórsetý ortalyqtarynyń mamandary azamattardyń derbes derekterine tek arnaiy kod arqyly ǵana qol jetkize alady. Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málim etti, dep habarlaidy QazAqparat.
«Aqparattyq qaýipsizdik boiynsha Memleket basshysy derbes derekterdi qorǵaýdy kúsheitýdi tapsyrdy. Munda biz birneshe nárseni engizemiz. Birinshisi – sandyq kelisim. Qazir turǵyn HQO-ǵa kelgende, jeke sáikestendirý nómirin kórsetedi. Operator sol arqyly barlyq derekter bazasyna kire alady. Al endi biz HQO operatory klientke habarlama arqyly jiberiletin kodty jazǵanǵa deiin derbes derekke qol jetkize almaityn tásildi iske qosamyz», - deidi vedomstvo basshysy.
Onyń aitýynsha, mundai júie qazir hlyqqa qyzmet kórsetetin 3 ortalyqta synaqtan ótkizilip jatyr.
«Jyl sońyna deiin júieni quryp, ony barlyq jerde engizetin bolamyz. Ázirge derbes derekterdi qorǵaýdyń eń pármendi tásili osy», - dedi Baǵdat Mýsin ortalyq kommýnikatsiialar qyzmetinde ótken baspasóz máslihatynda.
