© Sputnik / Vladimir Kornev
Aqmola oblysynda 2 jyl boiy júk kólikterin zańsyz tirkeý boiynsha qylmystyq qyzmetti júzege asyrǵan adamdar toby, onyń ishinde mamandandyrylǵan HQKO qyzmetkerleri áshkerelendi, dep habarlaidy "Ult aqparat" Qarjylyq monitoring agenttigine silteme jasap.
"Tergeý barysynda QMA aýmaqtyq departamenti Kókshetaý qalasynyń HQKO mamandandyrylǵan bólimine Eýropadan ákelingen 100-den astam avtokólik quralyn alǵashqy tirkeý úshin alym tóleý týraly jalǵan tólem qujattaryn berý faktilerin anyqtady.
Qylmystyq is-árekettiń nátijesinde memleketke 700 mln teńgeden astam shyǵyn keltirildi.
Atalǵan faktiler boiynsha sotqa deiingi tergep-tekserý bastaldy jáne kúdikti adamdarǵa qatysty sot qamaýda ustaý túrindegi bultartpaý sharasyna sanktsiia berdi" - delingen habarlamada.
QR QPK-niń 201-baby tártibindegi ózge de aqparat jariia etýge jatpaidy. QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
