Astanada jyl saiynǵy «Shabyt» halyqaralyq shyǵarmashyl jastar festivaline qatysýǵa ótinimder qabyldaý bastaldy.
Biyl baiqaýda bes nominatsiia boiynsha daryndy jastar básekege túspek. Atap aitqanda, «Klassikalyq mýzyka», «Halyq mýzykasy», «Estradalyq vokal», «Horeografiia» jáne «Jýrnalistika».
Baiqaý 5-9 qarasha aralyǵynda Beibitshilik jáne kelisim saraiynda ótedi. Onda 16-35 jastaǵy úmitkerler kúsh synasady. Uiymdastyrý komitetiniń sheshimimen «Klassikalyq mýzyka» nominatsiiasynda kelesidei ishki nominatsiialar bolady: «Aǵash úrmeli aspaptar», «Mys úrmeli aspaptar», «Soqpaly aspaptar», «Kameralyq ansambl»; «Halyq mýzykasy» nominatsiiasynda «Qobyz», «Prima qobyz», «Sherter», «Bas sherter», «Prima dombyra»; «Horeogoafiia» nominatsiiasynda tek halyq biin oryndaýshylar ǵana óner kórsetedi. Al «Jýrnalistika» nominatsiiasynda eki baǵyt qosyldy – «Televidenie» jáne «Internet resýrstar».
Aita keteiik, «Jýrnalistika» «Shabyt» festivaliniń baǵdarlamasynda sońǵy ret 6 jyl buryn bolǵan. Biyl Astananyń 20 jyldyǵyn merekeleýge orai atalǵan nominatsiia qaita engizildi. Baiqaýǵa mereitoilyq dataǵa jáne elordaǵa arnalǵan televiziialyq baǵdarlamalar, derekti filmder (hronometrajy 20 minýttan aspaidy) jáne Internet resýrstardaǵy jariialanymdar qatysady.
Ár nominatsiia boiynsha tolyq ereje HHI «Shabyt» halyqaralyq shyǵarmashyl jastar festivaliniń www.shabyt.astana.kz saitynda jáne Astana qalasy mádeniet jáne sport basqarmasynyń www.madeniet-sport-astana.kz saitynda jariialanǵan.
Baiqaýǵa qatysatyn úmitkerler materialdardy Astana qalasynyń mádeniet jáne sport basqarmasyna (010000, Astana q., Beibitshilik kóshesi, 11 meken jaiy boiynsha) tapsyrady. Sonymen qatar, baiqaýǵa qatysýǵa ótinimdi www.shabyt.astana.kz saity arqyly berýge múmkindik jasalǵan.
Tolyq aqparatty +7 (7172) 556771, +7 (7172) 557409 telefondary boiynsha festivaldiń Uiymdastyrý komitetinen alýǵa bolady. Ótinimderdi qabyldaý 25 qazanǵa deiin jalǵasady.
«Shabyt» halyqaralyq shyǵarmashyl jastar festivali ústimizdegi jyly 21-shi ret ótkiziledi. «Shabyt» óner álemindegi mańyzdy oqiǵa jáne talantty jastarǵa úlken sahnaǵa jol ashatyn biregei alań bolyp tabylady. Osy kúnge deiin festivalge ónerdiń túrli janrlarynda 10 myńnan asa adam qatysty. Ár jyldary festival gran-prii tanymal ázilke Tursynbek Qabatovqa, aqyn Qalqaman Saringe, balet artisi Áigerim Beketaevaǵa, opera ánshisi Aigúl Niiazovaǵa, «Melomen» tobyna, Asha Mataiǵa, belgili ánshi ári kompozitor Qairat Baekenovke jáne basqa da ataqty tulǵalarǵa tabystalǵan bolatyn.
Eske salaiyq, ótken jyly HH «Shabyt» Halyqaralyq shyǵarmashyl jastar festivalinde Qazaqstan Respýblikasy Prezidentiniń kýbogyn skripkashy Jibek Mýsýrgalieva jeńip aldy.
