Himiia salasy boiynsha Nobel syilyǵy biyl ǵalym Frensis Arnold, Djordj Smit jáne Gregori Ýinterge berildi. Frensis Arnold bul syilyqqa fermentter evoliýtsiiasy salasynda júrgizgen zertteýleri, al Djordj Smit pen Gregori Ýinter peptid pen antideneni zerttegeni úshin laiyqty dep tanyldy. Bul ǵalymdardyń zertteýleri jasýshalar men mikrobtardyń úsh ólshemdi keskinin óte joǵary sapada jasaýǵa múmkindik beredi.
Nobel komitetiniń jazýynsha, zertteýshiler «evoliýtsiia kúshin meńgere» alǵan.
«Bul ǵalymdar evoliýtsiiany baqylaýǵa alyp, ony adamzat múddesine paidalanǵan», - dep atap ótti olar. Komitet habarlamasyna sáikes, «2018 jylǵy Nobel syilyǵynyń laýreattary oilap tapqan ádister qazirgi kezde ekologiialyq himiia ónerkásibin alǵa jyljytýda, jańa materialdardy qurýǵa, turaqty biootyndy óndirý kezinde, sondai-aq túrli aýrýlarmen kúresýde qoldanylady.
Byltyr bul syilyq shveitsariialyq Jak Diýbosh, amerikalyq Ioakim Frank jáne britandyq Richard Hendersonǵa tabystalǵan. Olar syilyqqa krioelektrondy mikroskopiiany zerttegeni úshin laiyqty dep tanylǵan.
Nobel syilyǵyn shved ónertapqyshy ári ónerkásipshi Alfred Nobel taǵaiyndaǵan. Bul syilyq pen onyń bir million dollarǵa jýyqtaityn aqshalai júldesi Alfred Nobel qaitys bolǵan kún - 10 jeltoqsanda tabystalady.
