«Áziret Sultan» meshiti barsha qazaqstandyqty órt saldarynan qaza bolǵan 5 sábidiń ata-anasyna kómek kórsetýge shaqyrdy, dep habarlaidy "Ult aqparat".
«Búgin Astanada úlken qaiǵyly oqiǵa bolǵanyn barlyqtaryńyz estigen shyǵarsyzdar. Biz qaiǵyly jaitqa tap bolǵan otbasyna kómek kórsetý úshin jedel top qurdyq. Qazir qaiǵyly oqiǵa bolǵan jerde turmyz. Instagramda da top qurdyq jáne kimde-kim bul otbasyǵa kómek bergisi kelse, Áziret Sultan meshitiniń úshinshi qabatyna kelip, Aidyn esimdi qyzǵa jolyǵýdy ótinemiz. Ol - osy bastamanyń úilestirýshisi. Beikúná sábilerdi aqtyq saparǵa shyǵaryp salaiyq», - dedi Instagramda jariialanǵan video materialda «Áziret Sultan» meshitiniń qyzmetkeri Maqsatbek qajy Qaiyrǵaliev.
Aita keteiik, 4 aqpan kúni túnde elordanyń Saryarqa aýdanyndaǵy Kóktal-1 turǵyn úi alabynan órt shyqty. Órtti sóndirý barysynda 2006, 2008, 2014, 2016, 2018 jyly dúniege kelgen 5 balanyń denesi tabyldy.
Eń kishisi nebári úsh ailyq sábi edi. Órt kezinde bes balanyń ata-anasy túngi jumysta bolǵan.
