Halyqtyń naqty tabysyn arttyrý boiynsha jumysty kúsheitý qajet. Bul týraly Úkimet otyrysynda Premer-Ministr Asqar Mamin aitty, dep habarlaidy "Ult aqparat".
«Elbasy Nursultan Nazarbaev pen Memleket basshysy Qasym-Jomart Toqaevtyń ekonomika ósimin qamtamasyz etý tapsyrmalaryn oryndaý maqsatynda osy jylǵa josparlanǵan ekonomika ósimi qarqynyn birinshi aidan bastap saqtaý kerek. Qańtarda jalpy ishki ónimniń ósimi 3,6 paiyzdy qurady. Ósim negizinen qurylysta, saýdada, kólik salasynda, taý-ken óndirisinde, óńdeýshi sektorda, onyń ishinde mashina jasaýda jáne qara metallýrgiiada tirkeldi», - dedi Úkimet basshysy.
Onyń atap ótýinshe, qańtarda negizgi kórsetkishter boiynsha Atyraý, Túrkistan, Pavlodar jáne Shyǵys Qazaqstan oblystarynyń damý qarqyny jaqsy.
«Ekonomika ornyqty jáne sapaly ósýi úshin ár óńirdiń úlesi mańyzdy. Memlekettik organdar men óńirlerdiń basshylary investitsiia tartý, jumys oryndaryn ashý, shaǵyn jáne orta biznesti damytý, eńbek ónimdiligi men halyqtyń naqty tabysyn arttyrý boiynsha jumysty kúsheitý qajet», - dedi Asqar Mamin.
