2021 jyldyń jeltoqsan aiyndaǵy halyqtyń infliatsiialyq kútýleri boiynsha QR UB Aqsha-kredit saiasaty departamenti direktorynyń orynbasary Denis Cherniavskiidiń túsindirmesin usynamyz.
2021 jylǵy jeltoqsanda infliatsiialyq kútýlerdiń sandyq baǵasy birshama tómendedi jáne 10,3%-dy (qarashada 10,8%) qurady. Respondentterdiń eń kóp úlesi kelesi 12 aida baǵanyń qazirgi ósý qalpynyń saqtalatynyn nemese odan da jedeldei túsetinin jáne osy kórsetkishtiń 66%-ǵa deiin (2021 jylǵy qarashada 63%) ulǵaiatynyn kútedi. Bul rette jeltoqsanda suralǵandardyń ishinde baǵanyń odan ári ósýin kútetin úlesi qarashadaǵy eń joǵarǵy deńgei – 35%-dan 31%-ǵa deiin tómendedi.
Jeltoqsan aiynda respondentterdiń kópshiligi (65%) ótken jyly baǵanyń óte tez óskenin atap ótti, biraq bul kórsetkish qarashanyń mánimen (74%) salystyrǵanda aitarlyqtai tómen boldy. Ótken aida baǵanyń serpinin baǵalap, aitarlyqtai óskenin baiqaǵan respondentterdiń úlesi jeltoqsanda 58%-dy (qarashada 61%) qurady. Saýalnamaǵa qatysqandardyń basym kópshiligi azyq-túlik baǵasynyń ósetinin aitty, olardyń úlesi qarasha aiynda 85% qurady.
Jinaq aqshasy bar halyqtyń úlesi 2021 jylǵy jeltoqsanda 18% (qarashada 16%) boldy. Respondentterdiń kópshiligi óz jinaǵyn bank depozitinde jáne qolma-qol aqsha túrinde saqtaidy. Jeltoqsan aiynda respondentterdiń kóbi qazirgi ýaqytty qor jinaý úshin qolaisyz kezeń dep sanady (36%) jáne olardyń úlesi sońǵy úsh aida óse tústi. Sońǵy jyly jinaqtardyń tómendegenin atap ótken respondentterdiń úlesi 2021 jylǵy qarashadaǵy 19%-dan 24%-ǵa deiin (2020 jylǵy jeltoqsandaǵy 19%) artty.
Saýalnamaǵa sáikes, 2021 jylǵy jeltoqsanda tutynýshylyq kóńil-kúi indeksi azdap kóterilip, 103,1 (qarashada – 102,4) qurady. Sonymen qatar, ótken jyly jeke qarjylyq jaǵdaidy baǵalaý nasharlady, biraq bolashaq jaǵdaidy baǵalaý is júzinde ózgergen joq. Sondai-aq, halyqtyń iri satyp alýlarǵa daiyndyǵynda ósim bar – respondentterdiń 21%-y (qarasha aiynda 19%) satyp alý úshin qazirgi ýaqytty qolaily kóredi.
Eldiń damýy boiynsha qysqa merzimdi baǵalaý jaqsardy, bul rette uzaq merzimdi baǵalaý ózgerissiz qaldy. Respondentterdiń 38%-y bir jyl alǵa ekonomikanyń damý perspektivalaryn oń baǵalasa, 5 jyl alǵa baǵa bergenderdiń úlesi 37% boldy.
.jpg)
