Eńbek jáne halyqty áleýmettik qorǵaý ministrliginiń alqa májilisinde vedomstvo basshysy Serik Shápkenov 2021 jylǵa arnalǵan jumyspen qamtýǵa járdemdesý qadamdary týraly aitty. Ony iske asyrý jumyssyzdyq deńgeiin 4,9 paiyzdan asyrmai saqtap qalýǵa múmkindik beredi, dep habarlaidy QazAqparat.
Ministr Memleket basshysy Úkimetke memlekettik baǵdarlamalardy
2021 jyldyń birinshi jartysynyń sońyna deiin ulttyq jobalarǵa ainaldyrýdy qamtamasyz etýdi tapsyrǵanyn atap ótti. Bul jumys «Nur Otan» partiiasynyń sailaýaldy tuǵyrnamasynda kózdelgen bastamalardy eskeredi. Oǵan sáikes, 2021 jyldan 2025 jylǵa deiin 1,8 mln jańa jumys ornyn qurý kózdelgen.
Budan basqa, QR Prezidenti jumyspen qamtýdyń óńirlik kartalaryn ázirleýdi tapsyrdy.
«Bizdiń oiymyzsha, olar ulttyq jobalar men aýmaqtardy damytý baǵdarlamalary (ADB) aiasynda qarastyrylǵan ekonomikalyq mamandandyrýdy, keleshegi bar salalardy jáne óńirlerdiń barlyq jobalaryn eskerýge tiis. Biz óńirlik kartalardyń qurylymy týraly usynystardy Ulttyq ekonomika ministrligine joldadyq. Olardy ákimder maquldaǵannan keiin Jumys oryndaryn qurýdy baqylaý jónindegi biryńǵai aqparattyq júiede eskerý kerek», – dedi Serik Shápkenov.
Eńbekmininiń basshysy, sonymen birge, halyqty jumyspen qamtýǵa járdemdesýdiń 2021 jylǵa josparlanǵan mindetteri men indikatorlaryn ortaǵa saldy. Birinshiden, 700 myńnan astam adamdy jumyspen qamtýdyń belsendi sharalarymen qamtý josparlanyp otyr, onyń ishinde:
- «Bastaý Biznes» jobasy aiasynda 30 myń adam oqytylady, onyń 6 myńy jastar;
- Elektrondyq eńbek birjasy arqyly 5000 jumyssyz jumys berýshilerdiń suranysy boiynsha suranysqa ie daǵdylarǵa oqytylady.
Jastardy jumyspen qamtý bóliginde:
- «Birinshi jumys orny» jobasymen 1,5 myń adamdy qamtý;
- 10 myń memlekettik grant berý josparlanýda.
Jetim balalardyń kem degende 85%-y jumyspen qamtý ortalyqtary arqyly jumysqa ornalasady.
Eńbekke qabiletti jastaǵy múgedektigi bar adamdardyń jumyspen qamtylý úlesi 24%-ǵa deiin ulǵaitylady.
Ekinshiden, Jumyspen qamtýdyń jol kartasyn iske asyrý jalǵasady.
2021 jyly 27 myńnan astam jumys ornyn qurý arqyly 331 joba josparlanyp otyr, onyń ishinde 10 myńnan astamy jobalar aiaqtalǵannan keiin turaqty bolyp qalady.
Úshinshiden, «EŃBEK» nátijeli jumyspen qamtýdy jáne jappai kásipkerlikti damytýdyń ulttyq jobasy mynadai maqsattarǵa baǵyttalady:
- basymdyq berilgen quraldar arqyly halyqtyń nysanaly toptaryn jumyspen qamtýdy qoldaý;
- jumys ornynda jáne onlain oqytý arqyly ekonomika talaptaryna sáikes jumys kúshiniń biliktiligin damytý;
- óńirler ekonomikasyndaǵy zákirlik kooperatsiiany jáne óndiristik tizbekterdi damytýǵa mikrokredit berý arqyly jeke sektorda jumys oryndaryn qurýdy qoldaý.
Ministrdiń paiymynsha, jumyspen qamtýǵa járdemdesý boiynsha josparlanǵan sharalardy iske asyrý 4,9%-dan aspaityn deńgeide saqtai otyryp, jumyssyzdyqtyń ósýine jol bermeidi.
