Zertteýshiler Halyqaralyq ǵarysh stantsiiasynda (HǴS) ómir súretin bakteriialardyń jańa túrin tapty, - dep habarlaidy Tengrinews.kz Science Alert basylymyna silteme jasap.
Ǵalymdar HǴS-da Methylobacteriaceae tuqymdasyna jatatyn bakteriialardyń tórt shtamyn tapty. Bireýi HǴS zertteý stantsiialarynyń joǵarǵy panelinde, ekinshisi kúmbezde, úshinshisi ashana ústelinen, al tórtinshisi HEPA súzgisinen tabyldy.
HǴS-da alty jyl boiy turaqty túrde bakteriialar ósetin oryndar baqylanyp keledi. Olardyń paida bolýyn ǵalymdar astronavttar tamaǵymen bailanystyrady. Olar bortta bakteriialardyń taralýyna yqpal etedi.
Sarapshylar barlyq tórt shtamm bakteriialar tuqymdasyna jatatynyn anyqtady, olar buryn tek topyraq pen tushy sýda tabylǵan. Olar ósimdikterdiń ósýine qatysady jáne ósimdikterdiń qozdyrǵyshtaryn toqtatýǵa, azotty bekitýge kómektesedi.
Bir shtamm Methylorubrum rhodesianum retinde anyqtaldy, qalǵan úsheýi buryn anyqtalmaǵan jáne áigili úndi biology doktor Adjmala Han qurmetine atalǵan Methylobacterium ajmalii túrine jatady.
NASA reaktivti qozǵalys zerthanasynyń (JPL) doktory Kastýri Venkat pen Nitin Kýmar Singh shtamdardyń ǵaryshta daqyldardy ósirý úshin "biotehnologiialyq paidaly genetikalyq determinanttarǵa" ie bolýy múmkin ekenin aitty.
Buǵan deiin ǵalymdar bakteriialardyń 12 myń jańa túrin taýyp, Marsta ómir súre alatyn aǵzalardy anyqtaǵan edi.
