QR Ulttyq statistika biýrosynyń Nur-Sultan qalasy boiynsha departamentiniń basshysy Jorabek Dáýrenov halyq sanaǵyn júrgizetin qyzmetkerlerge qansha eńbekaqy tólenetinin aitty, dep habarlaidy "Ult aqparat".
«Sanaqty sapaly ótkizý úshin qarajat bólindi. Qazirgi ýaqytta negizgi qarajat – sanaq qyzmetkerleriniń jalaqysy bolyp otyr. Mysaly, interviýer qyzmetin tóleý úshin birinshi kezeńde bir ai úshin 83 myń teńge tólenedi. Al halyq sanaǵynyń negizgi kezeńinde – 104 myń teńge tólenbek. Nusqaýshy-baqylaýshyǵa 45 kún ishinde tolyq qyzmet etse – 125 myń teńge beriledi», - dep jaýap berdi J. Dáýrenov elorda ákimdiginde ótken baspasóz máslihatynda.
Aita keteiik, biylǵy halyq sanaǵy dástúrli jáne onlain formattarda ótedi. 1 qyrkúiek pen 15 qazan aralyǵynda onlain rejimde ózdiginen saýalnama paraqtaryn toltyrý múmkindigi bolady. Júie táýligine 24 saǵat qoljetimdi bolady, respondentter sanaqqa qatysý úshin ózine yńǵaily ýaqytty tańdai alady.
Odan basqa, «Egov» platformasynda elektrondy tsifrlyq qoltańba arqyly jáne Aitu mobildi qosymshasy arqyly sanaqtan ótýge bolady. Al dástúrli ulttyq sanaq onlain rejimde sanaqtan ótpegen turǵyndar úshin 1-30 qazan aralyǵynda ótedi.
Halyq sanaǵyn júrgizetin qyzmetkerlerge vaktsina alý talaby qoiylyp otyr.
