© Photo: pixabay.com
Qoǵamdyq baqylaýǵa arnalǵan zań boiynsha petitsiia arqyly Prezident jáne Senat taǵaiyndaityn laýazymdy tulǵalardyń otstavkasyn talap etýge bolmaidy. Bul týraly Mádeniet jáne aqparat vitse-ministri Daniiar Qadyrov málimdedi, habarlaidy Sputnik Qazaqstan.
Búgin Senatta qoǵamdyq baqylaý týraly zań maquldandy. Oǵan sáikes, barlyq metitsiia eOtinish portalynda jariialanady. Al Mádeniet jáne aqparat ministrligi moderatsiia júrgizedi, iaǵni, árbir petitsiianyń zań talabyna sáikestigin tekseredi. Ishinde Prezident pen Senat taǵaiyndaityn laýazymdy tulaǵalardy otstavkaǵa jiberý talaby bolsa, ondai petitsiia jariialanbaidy.
Mádeniet jáne aqparat vitse-ministri Daniiar Qadyrovtyń aitýynsha, qazirgi kezde halyq onsyz da aýyl ákimderin ózderi sailaidy. Al prezident taǵaiyndaityn ákimder men ministrler aldymen Parlamenttiń kelisimin alady. Depýtattardy halyq sailaidy. Osylaisha, azamattar laýazymdy tulǵalardyń taǵaiyndalýyna janama túrde áser etedi. Sondyqtan petitsiiada Prezident pen Senat taǵaiyndaityn laýazymdy tulǵalardy qyzmetinen alýǵa talap qoia almaidy.
“Zańda naqty jazylǵan. Bolmaidy. Sebebi konstitýtsiialyq zań bar. Onda Prezident, Úkimet pen Parlamenttiń eki palatasynyń quqyqtary jazylǵan. Al basqa jaǵdailarda petitsiia berýge bolady. Biraq Prezident, Úkimet pen Parlamenttiń qaraýyna kiretin laýazymdar boiynsha petitsiia berýge bolmaidy”, - dedi Qadyrov Senatta ótken brifingte.
Onyń aitýynsha, laýazymdy tulǵalarǵa áser etýdi basqa da sharalary bar. Máselen, sailaý týraly zań boiynsha senimsizdik bildirip, mandatty qaitarýǵa bolady.
