Halyq bizdiń jumysymyzdan naqty nátije kútýde. Bul týraly QR Premer-Ministri Álihan Smaiylov aitty, dep habarlaidy QazAqparat.
«Búkil elimizdiń basyna aýyrtpalyq túsip turǵan qazirgidei kúrdeli kezeńde biz Memleket basshysynyń zor senimin aqtaýymyz kerek. Bizder, Úkimettiń jańa quramy halyqtyń ómir sapasyn jaqsartýǵa, ekonomika ósimin saqtaýǵa jáne pandemiiany eńserýge, lańkester men buzaqy, tonaýshylar keltirgen orasan shyǵyndy qalpyna keltirýge, elimizdi jappai daǵdarystan shyǵarýǵa baǵyttalǵan Prezident tapsyrmalaryn oryndaý úshin bar kúsh-jigerimizdi aiamai jumys isteýimiz qajet. Bul osyndai asa aýyr jaǵdaida áli eshqandai Úkimettiń aldynda bolyp kórmegen óte kúrdeli de aýqymdy mindet. Halyq bizdiń jumysymyzdan naqty nátije kútýde», - dedi búgin Úkimet otyrysyn ashqan Álihan Smaiylov.
