«Habar» agenttiginiń tapsyrysymen túsirilgen «Shestoi post» filmi «TEFI-Sodrýjestvo» baiqaýynyń syilyǵyna ie boldy, dep habarlaidy Habar24kz.
«TEFI-Sodrýjestvo» baiqaýynyń syilyǵyn tabystaýdyń saltanatty rásimi alǵash ret Kishinevte ótti. Kórkem filmde budan 9 jyl buryn Mańǵystaý oblysynda bolǵan qaiǵyly oqiǵa jaily baiandalǵan. Bul - bolǵan oqiǵanyń izimen túsirilgen film. 2010 jyldyń 22 maýsymy. Mańǵystaý oblysy GM 172/1 túzeý koloniiasynan jat aǵymnyń jeteginde ketken 21 tutqyn qashpaq bolady.
Olardy alyp ketýge muzdai qarýlanǵan ondaǵan adam men birneshe kólik túrme syrtynda kútip turady. Alaida qaraýylda turǵan sarbaz qashqyndardy baiqap qalyp, qylmyskerlerdiń sytylyp ketýine jol bermeidi.
