Keiki batyrdyń bassúiegi Vengriiadan Almatyǵa jetkizildi. Bul týraly Tengrinews.kz tilshisine QR Ortalyq memlekettik mýzeiiniń direktory Nursan Álimbai habarlady.
"Bassúiekti jerleý máselesin Qazaqstan úkimetindegiler sheship jatyr", - dedi Nursan Álimbai. Onyń aitýynsha, batyrdyń bassúiegi QR Ortalyq memlekettik mýzeiinde saqtalatyn bolady.
Eske salaiyq, biyl 12 tamyzda Qazaqstannyń burynǵy premer-ministri Kárim Másimov RF Úkimet tóraǵasy Dmitrii Medvedevpen kezdesýi barysynda ótken júz jyldyqtaǵy ult-azattyq qozǵalystyń kóshbasshysy Keiki batyrdyń múrdesin elge qaitarý týraly máseleni kótergen edi. Sodan 6 qazanda Keiki batyrdyń bassúiegi Astanaǵa jetkizilgen bolatyn. Al keiinirek Ortalyq memlekettik mýzeidiń direktory Nursan Álimbai 12 qazan kúni Keiki batyrdyń bassúiegiantropologiialyq saraptama úshin Vengriiaǵa jetkiziletinin málimdedi. Mýzei basshysy qundy jádigerdi arnaiy konteinerde alyp bardy.
Al keiinirek mamandar Keiki batyrdyń beinesin qalpyna keltirý jumystarynyń qalai júrgizilip jatqanyn aityp berdi.
