Dúisenbi kúni 2 530 adamnan koronavirýs infektsiiasy anyqtaldy. Bul týraly densaýlyq saqtaý ministrligi habarlady. Vedomstvo koronavirýs pnevmoniiasy men adam ólimine qatysty eki kún burynǵy málimetti jariialap júr. 18 sáýirde 11 adamnan koronavirýs pnevmoniiasy anyqtalǵan, 33 adam qaitys bolǵan: 30 adamnyń ólimine – koronavirýs, 3 adamǵa koronavirýs pnevmoniiasy sebep boldy dep aitylady.
Ótken táýlikte Almatyda eń joǵary kórsetkish tirkelgen. Munda 682 adamnan koronavirýs anyqtalǵan. Nur-Sultanda 401 naýqas tirkelgen. Almaty oblysynda – 285, Batys Qazaqstan oblysynda – 237, Qaraǵandy oblysynda – 217, Aqtóbe oblysynda – 121, Aqmola oblysynda 101 adamnan koronavirýs infektsiiasy tabylǵan. Qalǵan aimaqtarda anyqtalǵan naýqastar júzge de jetpeidi.
2020 jyldyń naýryz aiynan beri 292 250 adamnyń koronavirýs testi oń shyqqan. Sodan beri 3436 adam qaitys bolǵan. Koronavirýs infektsiiasy anyqtalǵan, biraq ólimine "basqa aýrý sebep boldy" delingen myńǵa jýyq adam ólimi bul statistikaǵa enbegen.
Densaýlyq saqtaý ministrligi 1 tamyzdan bastap Covid juqtyrǵany PTR ádisimen rastalmaǵan, biraq aýrý belgileri boiynsha soǵan uqsaityn koronavirýs pnevmoniiasynyń esebin júrgizip keledi. 1 tamyz ben 18 sáýir aralyǵynda 51 890 adamǵa koronavirýs pnevmoniiasy diagnozy qoiylǵan. 754-i qaitys bolǵan.
Qazir 38 myńnan astam adam koronavirýstan emdelip jatyr. Densaýlyq saqtaý ministrliginiń málimetinshe, 733 980 adam (halyqtyń 3,9 paiyzy) koronavirýsqa qarsy vaktsinanyń birinshi dozasyn alǵan.
Amerikalyq Djons Hopkins ýniversitetiniń málimetinshe, álemde koronavirýs juqtyrǵandar 141 mln adamnan asty. 3 millionnan astamy qaitys bolǵan. Qazaqstan koronavirýs juqtyrǵandar sany boiynsha álemde 49-orynda tur.
Aimaqtar boiynsha tolyq derek: Nur-Sultan qalasy - 401, Almaty qalasy - 682, Shymkent qalasy - 49, Aqmola oblysy - 101, Aqtóbe oblysy - 121, Almaty oblysy - 285, Atyraý oblysy - 97, Shyǵys Qazaqstan oblysy - 67, Jambyl oblysy - 53, Batys Qazaqstan oblysy - 237, Qaraǵandy oblysy - 217, Qostanai oblysy - 31, Qyzylorda oblysy - 45, Mańǵystaý oblysy - 29, Pavlodar oblysy - 58, Soltústik Qazaqstan oblysy - 27, Túrkistan oblysy - 30.
