Keibir sheteldik saiasi kúshter el ishine iritki salǵysy keledi. Bul týraly Memleket basshysy Qasym-Jomart Toqaev Ulttyq qoǵamdyq senim keńesiniń 6-otyrysynda aitty, dep habarlaidy "Ult aqparat".
«El birligi – bizdiń baǵa jetpes bailyǵymyz. Keibir sheteldik saiasi kúshter el ishine iritki salǵysy kelip, Qazaqstan týraly jalǵan aqparat taratýda. Osyndai áreketterge qarsy turý úshin aqparattyq keńistik arqyly ózimizde de, shetelde de úgit-nasihat júrgizý kerek.
Taǵy da aitaiyn: Táýelsizdik – bárinen qymbat. Táýelsizdigimiz – bárimiz úshin eń qundy dúnie. Táýelsizdigimizdi dańǵaza urandarmen emes, aqylmen, parasattylyqpen, bilimmen, sabyrlyqpen qorǵaý qajet. Bul maqsatqa jetý úshin tatýlyq kerek.
Elimizdiń birtutastyǵy – reformalarymyzdyń tabysty júzege asýynyń basty kepili. Biz Táýelsizdik kezeńinde tolaiym tabysqa keneldik. Onyń bárine birlik pen yntymaq saiasatynyń arqasynda jettik. Sondyqtan osy qundylyqtardy saqtai bileiik!», - dep túiindedi sózin Prezident.
