Foto: ©️ Tengrinews.kz / Álihan Sariev
Indýstriia jáne qurylys vitse-ministri Timýr Qaraǵoishinnen Almatydaǵy kópqabatty úiler taǵy jerasty dúmpýleri bolǵan jaǵdaida qanshalyqty tózimdi bolatyny týraly pikir berý suraldy, - dep habarlaidy Tengrinews.kz saity.
Senat kýlýarynda jýrnalister vitse-ministrge keibir sarapshylardyń Almatydaǵy jańa ǵimarattar tipti az baldyq jerasty dúmpýlerine de tótep bere almaityny týraly málimetti keltirdi.
"Keshe tótep berdi ǵoi! Sharalar kúsheitiledi, jedel den qoiý, tekserý boiynsha, qatańdatýdyń basqa normativteri boiynsha qabyldanyp jatyr, depýtattar barlyǵyn qoldaidy. Keshe bes ball boldy, 4-ten 5 ballǵa deiin boldy, qazir úiler qalypty", - dedi Ónerkásip jáne qurylys vitse-ministri Timýr Qaraǵoishin jýrnalisterdiń suraǵyna jaýap bere otyryp.
Sonymen qatar ol almatylyqtardyń úii jer silkinisi kezinde búlinse, kim jaýapty bolatynyna jaýap berdi.
"Jobalarda seismikalyq kúsheitý bar, ol eskerildi. Mundai úiler salynyp jatyr, biraq biz qurylysshylardy qadaǵalaýdy kúsheitemiz. Jobanyń sapasy úshin negizgi jaýapkershilik jobalaýshyǵa júkteledi. Qurylystyń sapasy sapaly jobaǵa bailanysty. Ol durys jobalanǵan bolýy kerek. Ekinshiden, mundai oqiǵalarǵa belgili bir nysandarǵa saraptama júrgizgen sarapshylar jaýapty. Úshinshiden, qurylysshylar jaýapkershilikte bolýy kerek. Sondyqtan qurylysshylarymyz ǵimarat salǵan kezde jobany berik ustanyp, durys ári sapaly qurylyspen ainalysýy kerek", - dedi vitse-ministr.
Eske salaiyq, 23 qańtarǵa qaraǵan túni almatylyqtar qatty jer silkinisin sezdi.
