Túrkistan oblysynda Kentaý qalasynyń ýchaskelik politsiia inspektory pyshaqpen qarýlanǵan kúdiktini qylmys ústinde qolǵa túsirdi, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
Baspasóz qyzmetiniń málimetterine qaraǵanda, oqiǵa 2021 jyldyń 12 naýryzynan 13 naýryzyna qaraǵan túni saǵat 23:30 shamasynda bolǵan. Bul oqiǵa týraly onyń kýágeri Túrkistan turǵyny Jasýr Jumabai atty azamat Instagram paraqshasyna jazǵan.
Onyń oqiǵany baiandaýynsha, Jasýr túnde kóligimen kele jatyp toptalyp turǵan adamdardy kóredi. Ne bolyp jatqanyn bilmek bolyp kóliginen túsken Túrkistan turǵyny joldyń ortasynda bir jigittiń ekinshisiniń moinyna pyshaq suǵyp, ústine otyryp alym, jibermei turǵanyn kóredi. Al pyshaqtalǵan jigitti qutqarmaq bolǵandarǵa kúdikti pyshaǵyn kezenedi. Turǵyndar politsiiaǵa habarlasyp jatqanda kóligimen kelip jetken politsiia qyzmetkeri kúdiktiniń pyshaǵyna qaramastan qolyn burap, zalalsyzdandyrady.
Qazirgi tańda ýchaskelik politsei quryqtaǵan kúdikti qamaýda, oǵan qatysty Kentaý QPB-da QR QK-niń 99-babynyń 1-bóligi «Adam óltirý» boiynsha sotqa deiingi tergep-tekserý amaldary júrgizilýde.
