Kentaýda koronavirýs juqtyrǵan áiel deni saý sábidi dúniege ákeldi, dep habarlaidy "Ult aqparat"
Túrkistan oblysy, Kentaý qalasynyń 23 jastaǵy turǵyny COVID-19 infektsiiasyn juqtyryp, juqpaly aýrýlar aýrýhanasyna jatqyzylǵan bolatyn. Aiy-kúni jetip, tolǵaǵy qysqan kelinshektiń ómirine qaýip tónýine bailanysty dárigerler shuǵyl túrde operatsiia jasady.
Dárigerlerdiń aitýynsha, koronavirýske shaldyqqan áieldiń jatyr tyrtyǵynan qan ketý jaǵdaiy bolǵan. Qaýipti dertke ushyraǵan júkti kelinshekke operatsiia reanimotolog-dáriger Erjan Jumashevtyń jetekshiligimen jasalyp, qazirgi tańda ol táýlik boiy infektsiialyq gospital dárigerleriniń baqylaýyna alynǵan. Qazirgi jaǵdaiy qalypty dep baǵalanǵan naýqas taǵy eki apta otbasymen kórise almaidy.
«Koronavirýs indetine shaldyqqan naýqastarǵa operatsiia jasaýda qorǵanysh kiimderi azdap yńǵaisyzdyq týdyrady. Qalǵan jqmystar ádettegidei júzege asyrylady. Biz úshin bul áieldiń saýyǵyp, perzentin qolyna alǵany úlken qýanysh bolar edi»,-deidi reanimotolog-dáriger.
Al, dúniege kelgen qyz balanyń salmaǵy – 3 kg, boiy – 51 sm. Náresteden birden koronavirýske taldaý alynǵan. Sábi indetten din aman ekeni anyqtalǵan. Qazir bólek palatada oqshaýlanyp, dárigerlerdiń baqylaýynda. Bul jas kelinshektiń ekinshi perzenti.
