© Sputnik / Vladimir Fedorenko
Kentaý qalasynda bes qabatty úidiń joǵarǵy páterinde órt shyqty. Úide eki bala boldy. Bireýi qyzyl jalynnan qashamyn dep, balkonnan sekirip ketti, dep habarlaidy Sputnik Qazaqstan agenttigi KTK arnasyna silteme jasap.
Tótenshe jaǵdai 13 maýsymda bolǵan. Balkonnan sekirip ketken 8 jasar ul bala aýyr jaǵdaida shuǵyl aýrýhanaǵa jetkizildi. Biraq esin jimastan qaitys boldy. Al tútinge tunshyǵyp qalǵan 10 jastaǵy qyz aman qaldy. Oǵan qajetti em-dom jasaldy.
Úidiń otaǵasy vahtalyq jumys isteidi. Sol kúni kezekshilikte bolǵan. Al balalardyń anasy dalaǵa shyǵyp ketti. Aldyn ala boljamǵa sáikes, órt qýat alyp turǵan telefonnan shyǵýy múmkin.
Kentaý qalasy ákimdiginiń baspasóz hatshysy Janna Álimbaidyń aitýynsha, jergilikti bilik tiisti kómek kórsetedi.
"Ákimdik tarapynan shatyrdy retke keltirý jumysy atqarylýda. Órt kezinde baldardyń qujattary órtenip ketýine bailanysty jergilikti atqarýshy organdar tarapynan tiisti jumys atqarylatyn bolady. Kentaý qalasynyń janashyrlary órtten zardap shekken otbasy múshelerine materialdyq kómek uiymdastyryp jatyr", - deidi Álimbai.
