Túrkistan oblysynyń Kentaý qalasynda buzaqylar jergilikti turǵyndy úiine kelip uryp-soqqan, onyń týystary da zardap shekken, dep habarlaidy "Ult aqparat".
Buzaqylar úige jáne kórshilerdiń aýlasyna tas laqtyryp, sodan keiin kólikterine otyryp qashyp ketken.
Oblystyq PD baspasóz qyzmetiniń málimetinshe, aýyldastarynan taiaq jegen jábirlenýshi politsiiaǵa aryzdanǵan. Ol túngi saǵat 01:00 ózin jáne týystaryn uryp-soqqanyn aityp shaǵymdanǵan.
Oqiǵa ornyna shuǵyl Túrkistan oblysy PD basshylyǵy bastaǵan jedel-tergeý toby baryp, bolǵan jáittiń mán-jaiyn anyqtaǵan. Politseiler júrgizgen jedel-tergeý is-sharasy barysynda bir aýyldaǵy eki kóshe turǵyndarynyń arasynda túsinbeýshilik oryn alyp, janjal bastalǵany belgili bolǵan.
Arada biraz ýaqyt ótken soń, jábirlenýshiniń úiine belgisiz bireýler birneshe avtokólikpen kelip, olarǵa qarai tas laqtyrǵan. Saldarynan jábirlenýshiniń 3 týysy jaraqat alyp, olarǵa meditsinalyq kómek kórsetilgen.
«Izdestirý nátijesinde jedel ýákilder 4 kúdiktini anyqtap, ustady. Oqiǵanyń anyq-qanyǵy sotqa deiingi tergeý barysynda anyqtalady» delingen habarlamada.
