Túrkistan oblysynyń ákimi Ómirzaq Shókeev Kentaý qalasyn basqarǵan Dáýren Mahajanovtyń qylmysy dáleldense, otstavkaǵa ketýge daiyn ekendigin aitty, dep habarlaidy QazAqparat .
«Qylmysy dáleldense, men ostavkaǵa ketýge daiynmyn. Sottyń sheshimi bolsa boldy», - dedi Ómirzaq Shókeev ortalyq kommýnikatsiialar qyzmetinde ótken brifingide.
Aita keteiik, 23 aqpanda Kentaý qalasynyń ákimi asa iri kólemde para aldy degen kúdikke ilingen bolatyn. Óziniń senimdi tulǵalary arqyly memlekettik-jekemenshik áriptestik aiasynda qaladaǵy avtokólik joldaryn jóndeýmen ainalysatyn seriktestik direktorynan 98 500 AQSh dollaryn (42 mln 500 myń teńge) aldy degen aiyppen Almaty qalasy boiynsha Sybailas jemqorlyqqa qarsy qyzmet sotqa deiingi tergeý júrgizip jatyr.
