Túrkistan oblysy Kentaý qalasynyń ákimi asa iri kólemde para aldy degen kúdikke ilindi. Bul týraly Sybailas jemqorlyqqa qarsy qyzmet málimdedi, - dep habarlaidy "Ult aqparat" Tengrinews.kz agenttigine silteme jasap.
Almaty qalasy boiynsha Sybailas jemqorlyqqa qarsy qyzmet Túrkistan oblysy Kentaý qalasynyń ákimi Dáýren Maqajanovqa qatysty asa iri kólemde para alý deregi boiynsha sotqa deiingi tergeýdi bastady.
"Sybailas jemqorlyqqa qarsy qyzmet Túrkistan oblysy Kentaý qalasynyń ákimin áshkereledi, ol 2022 jylǵy 23 aqpanda óziniń senimdi tulǵalary arqyly memlekettik-jekeshelik áriptestik aiasynda atalǵan qalada avtokólik joldaryn jóndeýmen ainalysatyn seriktestik direktorynan 98 500 AQSh dollary (42 million 500 myń teńgege balamaly) somasynda para alǵan", - delingen habarlamada.
