Elordada «memlekettik baǵdarlamamen baspana alýǵa kómektesemin» degen jeleýmen 25 adamnyń aqshasyn alǵan alaiaq ustaldy. Bul týraly Nur-Sultan qalalyq Politsiia departamentinen málim etti, dep habarlaidy "Ult aqparat".
Vedomstvo aqparatyna sáikes, 27 jastaǵy qyz elorda turǵyndaryna memlekettik organdarda tanystary bar ekendigin aityp, belgili bir somaǵa memlekettik baǵdarlamamen páterli bolýǵa járdemdesýge ýáde bergen. Kúdikti alaiaqtyq áreketin júzege asyrý jáne adamdardyń kúdigin seiiltý maqsatynda firma tirkep, arnaiy keńse jalǵa alǵan. Ol 2020 jyldyń naýryzy men tamyzy aralyǵynda zardap shegýshilermen memlekettik baǵdarlamaǵa qatysý týraly jalǵan kelisimsharttar jasasqan. Onyń alaiaqtyq áreketinen 25 adam zardap shekken.
«Zardar shegýshiler engizgen alǵashqy jarna somasy páterdiń aýdanyna bailanysty bolǵan. Ol óziniń syiaqysyn birden alǵan jáne ýádesin oryndaýǵa árekettenbegen. Osylaisha ol aldanyp qalǵan azamattardyń 56 mln teńgesin qaltasyna basqan. Kúdikti jasaǵan alaiaqtyq áreketin moiyndady. Onyń ústinen QRQK 190-baby 3-bóligi boiynsha tergeý júrgizilip jatyr. Sonymen qatar onyń elorda aýmaǵynda jasalǵan dál osyndai qylmystarǵa qatysy tekserilý ústinde», - dedi departamentten.
