Almaty qalasyndaǵy «Keńsai» shaǵyn aýdanynda bolǵan órtten molalarǵa ziian keldi. Bul týraly Almaty qalasy tótenshe jaǵdailar departamenti basshysynyń orynbasary Samat Asainov málim etti, dep habarlaidy QazAqparat.
«Qazgidromet» mekemesiniń daýyldy eskertýine sáikes Almaty qalasynyń mańynda tótenshe órt qaýpi jaǵdaiy saqtalady. Osyǵan bailanysty qalanyń órt sóndirý qyzmeti kúsheitilgen rejimde jumys istep jatyr. Kún saiyn patrýldeý sharasy uiymdastyrylady. Barlyǵy 19 órt sóndirý bólimshesi jáne departamenttiń jeke quramynyń 100-den astam mamany daiyn», - dedi Samat Asainov ortalyq kommýnikatsiialar qyzmeti alańynda ótken baspasóz máslihatynda.
TJD basshysy orynbasarynyń málimdeýinshe, osy kúnge deiin jergilikti atqarýshy organ ókilderimen birlesken 190 reid uiymdastyryldy.
«Reid barysynda órt qaýipsizdigin saqtamaǵan 117 adam ákimshilik jazaǵa tartyldy. Qazir bizdiń óńirde órt qaýpi jaǵdaiy saqtalyp tur. Ózderińiz biletindei, keshe taý bókterinde 2 órt shyqty, iaǵni «Keńsai» shaǵyn aýdanynda 1 gektar qurǵaq shóp jandy. Tilsiz jaýdy aýyzdyqtaýǵa jel jáne aimaqtyń taýly bolýy kedergi keltirdi. Órttiń saldarynan «Keńsai» ziratynda 60 mola zardap shekti. Odan bólek, Kóktóbe mańynan da órt shyqty. Mamandar tilsiz jaýdy 1 saǵattyń shamasynda aýyzdyqtady», - deidi ol.
Sondai-aq, spiker órt saldarynan adam zardaby men shyǵynynyń bolmaǵanyn aitty.
