Keniia memlekettik aýrýhanalaryndaǵy meditsina qyzmetkerleri jergilikti turǵyndarǵa Covid-19 vaktsinasynyń ornyna sý salǵan, dep habarlaidy "Ult aqparat" News24-ke silteme jasap.
El turǵyndary COVID-19 vaktsinasyna qatysty josparǵa sáikes anglo-shved farmatsevtikalyq kompaniiasynyń AstraZeneca preparatyn tegin alýǵa quqyly. Vaktsinalaý memleket akkredittegen arnaiy meditsinalyq ortalyqtarda júrgiziledi.
Alaida dári-dármektiń jetispeýine bailanysty keibir dárigerler keniialyqtarǵa aqsha úshin vaktsina usyna bastaǵan, al vaktsinanyń ornyna sý ekken.
Eldiń densaýlyq saqtaý ministri Mýtahi Kagve azamattardy vaktsina úshin tólem jasamaýǵa jáne kúdikti mamandardan tegin dári-dármek kútpeýge shaqyrdy.
Onyń aitýynsha, bilik alaiaqtyqtyń osyndai jaǵdailaryn tergeýdi bastady jáne qylmystyq is qozǵady.
