Túrkistan oblysy, Keles aýdanyndaǵy №2 Ó.Jánibekov atyndaǵy mektep gimnaziianyń 9-synyp oqýshylary Shaldybaeva Ulmeken men Amanbai Nursila qoqys jinaityn robot qurastyrdy. Jas zertteýshilerdiń «Qoqys jinaityn robot» taqyrybyndaǵy zertteý jumysyn jazý barysynda oqýshylar bul salanyń ózekti máselelerin tereń zerttegen.
Olardyń osy taqyryptaǵy ǵylymi izdenisi «Oqýshylardyń aýdandyq jalpy bilim beretin pánder boiynsha ǵylymi jobalar» konkýrsynda joǵary baǵalandy. Qyzdardyń ǵylymi jetekshisi Aiagóz Joraevnanyń aitýy boiynsha, ǵylymi jobanyń maqsaty - robot tehnikasynyń negizderin, qoldaný salalaryn, olardyń túrlerin, múmkindikterin zertteý.
«Búginde robottar – qarqyndy damyp kele jatqan bolashaqtyń joǵarǵy tehnologiialarynyń biri. Olar ómirimizdiń kóptegen salasyna, atap aitqanda, ǵaryshty igerý, densaýlyq saqtaý, qoǵamdyq qaýipsizdikti qamtamasyz etý jáne basqa da salalarǵa enip úlgerdi, ásirese óndiris oryndarynda kóbirek paidalanylady. Oqýshylar jeke tájiribe arqyly robottyń jumys jasaý printsipterin baqylady. Jas zertteýshiler bul jobamen birneshe jyldan beri ainalysyp keledi», – deidi informatika pániniń muǵalimi.
Jastardyń júrgizgen saýalnamasy boiynsha kóptegen balalar Lego konstrýktorymen oinaǵandy unatady. Jas zertteýshiler bolashaqta kompiýterlik IT tehnologiialardy meńgerý, programmist mamandyǵyn meńgergisi keledi.
