Eldegi elektr energiiasynyń tapshylyǵyn avariialardyń jiileýi men maining óndirisiniń artýy týyndatyp otyr.
«KEGOC» kompaniiasynyń ulttyq dispetcherlik ortalyǵynyń bas dispetcheri Bekjan Muqatov atalmysh másele boiynsha ótken brifingide osyndai pikir bildirdi, dep habarlaidy QazAqparat.
Elektr qýatynyń tapshylyq belgileri maining pen elektr stantsiialaryndaǵy apattardyń joǵarylaýynan týyndap otyr.
«Maining elektr qýatyn tutyný kóleminiń kúrt ósýine aitarlyqtai áser etetin mańyzdy faktor bolyp tur. 2011 jyly bul salanyń elektr qýatyn tutyný úlesi shamamen 2% bolsa, 2020 jyly 7%-dan asqan. Iaǵni birneshe ese ulǵaiǵanyn baiqaimyz. Árine, biz qazirgi tapshylyqty eldegi elektr qýatyn tutyný qurylymynda maining úlesiniń ulǵaiýymen bailanystyramyz. Tipti bul tapshylyqtyń negizgi faktory deýge bolady. Oǵan qosa eldiń elektr stantsiialarynda apattar jii bolady. Osynyń báriniń jiyntyǵynda elektr tapshylyǵynyń belgileri men importtaý qajettiligi týyndap otyr», – dedi Bekjan Muqatov.
Sondai-aq, bas dispetcher mainingtik kompaniialardy baqylaý «KEGOC»AQ quzyretine jatpaitynyn eskertti.
