Túrkistan oblysynyń politseileri karantin talaptarynyń saqtalýyn qadaǵalaý maqsatynda kúndelikti is-sharalar júrgizip jatyr, dep habarlaidy "Ult aqparat"
Karantin talaptarynyń saqtalýyn qadaǵalaý maqsatynda, Túrkistan oblysynda kúndelikti turaqty túrde is-sharalar júrgizilýde.
Osy tusta Qazyǵurt politsiia qyzmetkerleri reidke shyqty. Olar aýdandaǵy tamaqtaný oryndarynda, saýda úilerinde, azyq-túlik dúkenderinde, adam kóp shoǵyrlanatyn oryndarda karantin talaptarynyń saqtalýyn qatań túrde qadaǵalaýda.
Atalǵan shara barysynda, adam kóp jinalatyn aimaqtarda meditsinalyq betperdesiz júrgen 2 azamat anyqtaldy.
Olarǵa qatysty túsindirme jumystary júrgizilip, QR ÁQBtK 425-baby boiynsha tiisti materialdar toptalyp, qujattar zańdy sheshim qabyldaý úshin Qazyǵurt aýdandyq SEBB-ge jiberildi.
Sonymen qatar karantin rejimin buzyp, kópshilikti jinap, toi jasaýshylardyń da sany azaiar emes.
Biri 100-den astam adamdy jinap toi jasasa, endi biri 200-ge jýyq týystaryn shaqyryp, qyzyn uzatyp jatyr.
Olarǵa qatysty QR ÁQBtK 425-baby boiynsha is-qujattar jinaqtalyp, zańdy sheshim qabyldaý maqsatynda SEBB-ge joldandy.
Osy tusta aita keter jait, Qazyǵurt aýdany aýmaǵynda mobildi toptar QR ÁQBtK 425-baby boiynsha jyl basynan beri karantin talaptaryn buzýdyń 61 jaityn anyqtady.
Onyń ishinde kókpar oiynyn uiymdastyrý boiynsha 10 jait tirkelse, kópshilikti jinap toi-jiyn uiymdastyrýǵa qatysty 18 derek, qalǵan 33 jait - maskasyz júrgen turǵyndar.
Túrkistan oblysy politsiia departamenti karantin rejimi kezinde bekitilgen talaptardy oryndamai, turǵyndardyń densaýlyǵyna qaýip tóndiretin azamattar tiisti jazaǵa tartylatynyn eskertedi.
Sondyqtan bas sanitar dárigerdiń qaýlysynyń talaptaryn qatań saqtaý, betperde kiiý jáne araqashyqtyqty saqtaýdy esten shyǵarmańyz.
