Foto:depositphotos.com
QazUÝ-dyń Quqyqtyq jáne qujattamalyq qamtamasyz etý departamenti Jelige ýniversitet stýdentteriniń jeke derekteriniń tarap ketýine qatysty pikir bildirdi, - dep habarlaidy «Ult aqparat» Tengrinews.kzke silteme jasap.
Ál-Farabi atyndaǵy Qazaq ulttyq ýniversitetinde aldyn ala ishki tekseris júrgizilgeni habarlandy.
"6 aqpanda ýniversitetke shart negizinde meditsinalyq qyzmet kórsetetin Smart Health University City JShS medbikesi Whatsapp messendjeri arqyly fliýorografiialyq zertteýden ótýin qamtamasyz etý úshin Mehanika-matematika fakýltetiniń 3-4 kýrs stýdentteri tizimi bar Excell formatyndaǵy qujattardy osy fakýltet dekanatynyń mamanyna jibergen", - dep habarlady JOO departamenti.
Alaida tapsyrylǵan qujattarda stýdentterdiń tegi men aty-jóninen bólek dárigerlik qupiiaǵa qatysty málimetter de bolǵan.
"Keiinnen messendjerlik habarlamalar arqyly ýniversitette oqityn stýdent qyzdarǵa qatysty jeke derekter men meditsinalyq qupiia bar aqparat tarap ketken.
Osy fakt boiynsha 14 aqpanda ýniversitet qyzmettik tekserýdi taǵaiyndap, Almaty prokýratýrasyna atalǵan fakt boiynsha prokýrorlyq shara qoldaný jáne stýdentterdiń quqyqtaryn qorǵaýdy qamtamasyz etý týraly ótinishpen júgindi", - dep habarlady ýniversitet.
Qazir QazUÝ-da Smart Health University City JShS-men kelisimshartty buzý máselesi qarastyrylyp jatqany habarlandy.
Eske salaiyq, tizim týraly aqparat Qumash Telegram-arnasynda paida boldy. Arna avtorlary WhatsApp jelisindegi 190 adamnan turatyn starostalar tobynda stýdent qyzdardyń tizimi bar 4 qujat jiberilgenin (1-kýrstan 4-kýrsqa deiin) jazdy. Qyzyl túspen belgilengender fliýorografiiadan ótýi kerek eken. Onda qyzdardyń tolyq aty-jóninen basqa olardyń JSN, uialy telefondary jáne meditsinalyq derekteri bolǵan. Sondai-aq, olardyń qaisy virgo (ginekologiialyq tilmen aitqanda - pák), qaisy virgo emes ekeni týraly aqparat bar.
