Ál-Farabi atyndaǵy QazUÝ elimizdegi bólingen oqý granttarynyń sany boiynsha absoliýtti kóshbasshy atandy, dep habarlaidy atalǵan JOO-nyń baspasóz qyzmeti.
Biyl 6,6 myńnan astam mekteptiń úzdik túlekteri QazUÝ-dy tańdap memlekettik bilim grantyna ie bolǵan. Olardyń edáýir bóligi - «Altyn belgi» iegerleri, halyqaralyq jáne respýblikalyq olimpiadalardyń jeńimpazdary.
Bul - qazaqstandyq joǵary bilim berý tarihyndaǵy rekorttyq kórsetkish. QazUÝ granttar sany boiynsha basqa joǵary oqý oryndarynan oq boiy ozyq tur. Sanaly ári úlken maqsatqa toly talapkerdiń sapaly bilim alýy úshin elimizdegi jetekshi oqý ornyn tańdaýy atalmysh ýniversitetke degen joǵary senimdi bildiredi.
Eń úlken baiqaý radiotehnika, elektronika jáne telekommýnikatsiialar, aqparattyq júieler, avtomattandyrý jáne basqarý, týrizm, himiialyq tehnologiialar syndy mamandyqtar boiynsha júrgizildi. Halyqaralyq qatynastar jáne quqyq, quqyqtaný, qarjy, esep jáne aýdit, ekonomika talapkerler arasynda tanymaldylyq qalpynda qalyp otyr. Magistratýra men doktorantýraǵa túsýge de baiqaý burynǵysynsha óte joǵary. Jekelegen mamandyqtar boiynsha úmitkerler sany bir orynǵa 15-20-dan asa adamnan keledi.
QazUÝ - álemdegi úzdik top-220 JOO-nyń qataryndaǵy oqý orny. Ol bilim, ǵylym jáne innovatsiianyń jetekshi ortalyǵy bolyp tabylady. Ýniversitette álemniń áigili joǵary oqý oryndarymen seriktese otyryp qosdiplom bilim baǵdarlamalary belsendi engizilýde. Oqytý aǵylshyn tilinde júzege asyp, kóptegen jańa mamandyq ashylýda.
