Ásem qala Almatyda kópten kútken 28-shi Dúniejúzilik qysqy Ýniversiiada alaýy jaǵyldy. Biylǵy Ýniversiadanyń ereksheligi elimizde 16-jerden alaý jaǵylǵandyǵynda.
Almatyda Ýniversiada alaýy Ál-Farabi atyndaǵy Qazaq ulttyq ýniversitetinen bastaý aldy. Sharaǵa Ál-Farabi atyndaǵy Qazaq Ulttyq úniversitetinde bilim alyp júrgen stýdentter men oqytýshylar qatysty. Olardyń qatarynda JOO-ǵa deiingi bilim berý fakýltetinde bilim alyp júrgen 100-den asa Aýǵan Islam Respýblkasynan kelgen sheteldik tyńdaýshylar bar. «Ýniversiada-2017» estafeta alaýyn Almaty qalasynyń ákimi Baýyrjan Báibek jaqty. Estafetaǵa Dmitrii Balandin, Sábina Altynbekova, Olga Shishigina, Nurtas Adambai, Qarlyǵash Muhamedjanova, Qairat Boranbaevtar qatysty.
Ýniversiada aiasynda sporttyń 12 túrinen jarystar ótedi dep josparlanǵan. Mánerlep syrǵanaý, short-trek, taý shańǵysy sporty, snoýbording, biatlon, shańǵy jarysy, shaibaly hokkei, kerling mindetti sport túrleri. Al qabyldaýshy taraptyń usynysy boiynsha engizilgen qosymsha sport túrlerine shańǵymen tuǵyrdan sekirý, shańǵy qossaiysy, fristail, konkimen júgirý sporty jáne bendi kiredi.
Al, elimizdiń atynan sporttyń 12 túrinen 171 sportshy qatyspaq. Bizdiń jastar da osy sportshylarymyzǵa jankúier bolyp, qala kóshelerindegi estafetaǵa qatysty.
Kók bairaǵymyz kókte jelbiresin, sportshylarymyzǵa sáttilik!
Ál-Farabi atyndaǵy Qazaq Ulttyq ýniversitetiniń
JOO-ǵa deiingi daiyndyq kafedrasynyń oqytýshysy Satkenova J.B.
