Shymkent tutynýshylaryna monopolist qyzmeti úshin 166 mln teńgeden astam qarajat qaitarylady, dep habarlaidy "Ult aqparat".
Tabiǵi monopoliialardy retteý komitetiniń Shymkent qalasy boiynsha departamenti «QazTransGaz Aimaq» AQ Shymkenttik óndiristik filialy kórsetetin qyzmetteridiń birin tegin kórsetýge qol jetkizdi.
Tutynýshylardyń ótinishi negizinde jospardan tys tekserý nátijesi boiynsha Tabiǵi monopoliialardy retteý komitetiniń Shymkent qalasy boiynsha departamenti «QazTransGaz Aimaq» AQ Shymkenttik óndiristik filialyna qatysty jeke shkafty gaz retteý pýnkterin iske qosý-retteý úshin aqy alýdy toqtatý jáne negizsiz alynǵan tabysty tutynýshylarǵa qaitarý týraly nusqama shyǵardy.
Sýbekt nusqamaǵa Shymkent qalasynyń mamandandyrylǵan aýdanaralyq ekonomikalyq sotyna shaǵym túsirdi, alaida sot shaǵymdy qanaǵattandyrmady.
Shymkent qalalyq soty azamattyq ister jónindegi sot alqasynyń qaýlysymen birinshi satydaǵy sottyń sheshimi kúshinde qaldy.
Endi gaz tutynýshylaryna jeke shkafty gaz retteý pýnktterin iske qosý úshin aqy tóleýdiń qajeti joq, al «QazTransGaz Aimaq» AQ ShÓF-y áreketinen zardap shekken tutynýshylarǵa jalpy somasy 166 680 500 teńge qarajat qaitarylady.
