QR Prezidenti Qasym-Jomart Toqaev Qazaqstan men Reseidiń XVII óńiraralyq yntymaqtastyq forýmynda «Qaztransgaz» komapiiasyn reseilik «Gazprom» úlgisimen damytý múmkindigi týraly pikir bildirdi, dep habarlaidy QazAqparat.
«Gazdy taza otyn retinde paidalaný erekshe nazar aýdarýǵa turady. Gaz salasynyń investitsiialyq tartymdylyǵyn arttyrý úshin bizdiń elimizde birqatar júieli sharalar qabyldanýda, gazǵa baǵa belgileýdiń jańa naryqtyq tásilderi aiqyndaldy. Bul gaz jobalaryna salymdardy tiimdirek etedi», - dedi Qasym-Jomart Toqaev Qazaqstan men Reseidiń XVII aimaqaralyq yntymaqtastyq forýmynda.
«Biz «Qaztransgazdy» reseilik «Gazprom» siiaqty transformatsiialaý týraly sheshim qabyldadyq. Kompaniia tolyqqandy vertikaldy integratsiialanǵan ulttyq gaz kompaniiasy bolady. Gazdyń resýrstyq bazasyn ulǵaitý úshin Reseimen birlesken iri jobalardy – Hvalynskaia jáne Imashinskaia jobalaryn ýaqtyly júzege asyrýdyń mańyzy zor. «Gazprommen» kommertsiialyq máselelerdi tez arada sheshýge kelýdiń mańyzy zor, bul atalǵan jobalardy iske asyrýdy jedeldetedi», - dedi Memleket basshysy.
«Balamaly energiia óndirisiniń taǵy bir perspektivaly baǵyty atom jáne sýtegi energetikasy bolyp tabylady. Úkimet Qazaqstanda qaýipsiz atom energetikasyn damytý jáne energetikanyń múldem jańa túri – sýtekti energetikany iske qosý múmkindikterin zerdeleýde», - dep túiindedi Prezident.
