Qazaqstan televiziiasynyń tarihynda tuńǵysh ret FIFA aiasyndaǵy eń úzdik týrnirlerdi kórsetýge qatysty asa aýqymdy kelisimshart júzege asyryldy. Bul týraly QR Aqparat jáne kommýnikatsiialar ministri Dáýren Abaev Feisbýktegi paraqshasynda habarlady.
«Qazaqstan» RTRK» AQ («Kazsport» pen «Qazaqstan») birden fýtboldan eki álem chempionatyn (2018 jáne 2022 jyldar) transliatsiialaýǵa quqyq ala otyryp, 6 jylǵa kelisim jasady», - delingen habarlamada.
Ministr keltirgen málimetke súiensek, qazaqstandyq tarap TV quqyǵyn alyp satýshy deldaldardy ainalyp ótip, negizgi quqyq iesimen kelisim jasasýǵa qol jetkizgen. Osynyń arqasynda qomaqty qarjy únemdegen.
Odan bólek, «Kazsport» pen «Qazaqstan» telearnalary basqa da birqatar álemdik sporttyq dodalardy tikelei transliatsiialaý quqyǵyn satyp alǵan.
«Osy eki chempionattan basqa Qazaqstanda álemdik klýbtyq birinshilikterdi, fýtzal men jaǵajai fýtboly boiynsha álem chempionattaryn, áielder, túrli jastaǵy jastar men jasóspirimder quramalary arasyndaǵy álem birinshilikterin, sondai-aq erteń, 17-shi maýsymda bastalatyn Konfederatsiia-2017 Kýbogyn kórsetý quqyǵy satyp alyndy», - delingen habarlamada.
