l
«Qazposhta» AQ úshin Ýákiletti ekonomikalyq operator mártebesi Eýraziialyq ekonomikalyq odaq memleketteriniń kedendik shekarasynan ótetin júkterdi jeńildetilgen tártipte resimdeýge múmkindik beredi. Bul óz kezeginde Qazaqstanǵa jáne shetelge halyqaralyq poshta jóneltilimderi men júkterdi jetkizý jumystaryn jyldamdatýǵa septigin tigizedi.
Ulttyq poshta operatory ekonomikalyq operator mártebesi arqyly kedendik rásimderdi ótýge jumsalatyn ýaqytty qysqartady jáne logistikalyq tizbekti ońtailandyrady.
Onyń ishinde kompaniia klientterge júk jetkizilgen kezde ony kedendik resimdeýden jedel túrde ótkizý, kedendik deklaratsiiany tapsyrýǵa deiin júkterdi berý, aldyn ala jáne elektrondyq deklaratsiialaý qyzmetterin usynady.
Eger júk kedendik baqylaýǵa jiberilse, tekserý jumystaryn uzaq protsedýralarsyz jáne kezeksiz júzege asyrýǵa bolady.
Buǵan deiin Qazposhta kedendik operator mártebesin aldy. Onyń arqasynda kompaniia Kedendik odaqqa kiretin memleketterdiń shekarasynan ótetin halyqaralyq poshta jóneltilimderi men júkterdi rásimdeý boiynsha qyzmettiń tolyq keshenin usynyp otyr.
Qazposhta kúndelikti túrde úlken kólemde taýar jetkizetin jeke tulǵalarǵa, shaǵyn jáne orta bizneske, iri kompaniialarǵa kedendik rásimdeý qyzmetin kórsetedi.
Búginde bul qyzmet Nur-Sultan, Aqtaý jáne Almaty qalalarynda qoljetimdi.
Qazposhta aldaǵy ýaqytta onyń aiasyn keńeitip, elimizdiń barlyq oblys ortalyqtarynda júkterdi kedendik rásimdeý qyzmetin usynady.
Atap ótken jón, Qazaqstan azamattary sálemdemeniń quny 200 evrodan assa jáne (nemese) salmaǵy 31 keliden artyq bolsa, ony kedendik rásimdeý sharalaryn júzege asyrady.
«Ekonomikalyq jáne kedendik operatorlar mártebelerin alý – bul keshendi logistikalyq qyzmettiń modelin qalyptastyrý jolynda kompaniia qyzmetin transformatsiialaý aiasynda júzege asyrylyp otyr. Bizdiń áriptesterimizge jetkizýden bastap saqtaýǵa deiin, tapsyrystardy basqarýdan bastap onyń qozǵalysyn baqylaýǵa deiingi logistikalyq servistiń tolyq tizbegin usynamyz. Jańa mártebelerdiń artyqshylyqtary Qazposhtanyń infraqurylymy men qyzmeti arqyly halyqaralyq jáne ishki júk tasymalyn, Qazaqstan aýmaǵy arqyly poshta jóneltilimderiniń tranzitin damytýǵa oń yqpalyn tigizedi», - dep atap ótti «Qazposhta» AQ Basqarma tóraǵasy Qanat Alpysbaev.
Qazposhta otandyq kompaniialarmen elimizdiń aýmaǵynda júk tasymaldaý qyzmetterin kórsetý boiynsha jemisti yqpaldastyq ornatty.
Endi Ulttyq poshta operatory ekonomikalyq jáne kedendik operator mártebeleri negizinde TMD, Ortalyq Aziia, Eýropalyq odaq memleketterine halyqaralyq júk tasymal qyzmetin iske qosýdy josparlap otyr.
