Qazaqstandyqtar qara paketterge oralǵan adamdardyń denesi salynǵan júk kóligi túsirilgen beinerolikti talqylap jatyr. Jeli qoldanýshylary "adamdardy qorqytý úshin jańalyqtardy osylai túsiredi" deidi. Stopfake.kz bul pikirlerdi joqqa shyǵardy, - dep habarlaidy "Ult aqparat".
Videoda "máiitterdiń" biri temeki tartyp jatyr, al júk kóliginiń ishindegi eki er adam úsindegi qara paketterdi túzep jatyr. Qaznet qoldanýshylarynyń aitýynsha, adamdardy qorqytý úshin COVID-19 pandemiiasynyń qurbandary týraly jańalyqtardy osylai túsiredi.
"Bul pikir - feik. Videonyń túpnusqasy qoiýshy sýretshi Vasilii Ivanovtyń TikTok paraqshasynan alynǵan. Rolik biyl 30 naýryzda jariialanǵan jáne onda "Haskidiń Nikogda-nibýd klipiniń túsirilimi" dep jazylǵan.
Rep oryndaýshy Haskidiń "Nikogda-nibýd" ánine túsirilgen mýzykalyq videoda máiitterge toly KamAZ kórsetilgeni ras, bul osy taratylǵan roliktegi kólik. Demek, videoroliktiń COVID-19 pandemiiasyna eshqandai qatysy joq, bul kórkem mýzykalyq beine", - dedi Stopfake.kz ókilderi.
