Qaznette COVID-19-ǵa qarsy vaktsinalar is júzinde aýrýdan qorǵamaidy degen aqparat taraldy. Buny dári-dármek óndirýshilerdiń ózi moiyndaǵanyn jazǵan. StopFake portaly jaǵdaidyń mán-jaiyn anyqtady, - dep habarlaidy "Ult aqparat".
Jazba avtory dálel retinde Pfizer/BioNTech shyǵarǵan Comirnaty vaktsinasy týraly aqparattyq paraqty jariialaǵan.
"Qazirgi ýaqytta COVID-19 qarsy vaktsinalardyń virýstyń taralýyna qanshalyqty tiimdi ekenin bilmeimiz. Demek, ekpe jasatqan adam SARS-CoV-2 virýsyn juqtyrýy múmkin. Eger onda infektsiiany juqtyrý belgileri bolmasa nemese shamaly bolsa, ol báribir ony basqalarǵa juqtyrýy múmkin", - delingen qujatta.
Dáriger-vaktsinolog Evgenii Timakovtyń aitýynsha, vaktsina virýstyń organdarǵa ótýine jol bermeidi. Ol aǵzaǵa ziian keltiredi. Biraq preparat qorshaǵan ortadan shyryshty qabyqqa virýstyń túsýine kedergi bola almaidy.
"Vaktsinatsiia kezinde shyryshty qabyq immýniteti kóterilmeidi, sondyqtan koronavirýs jutqynshaqqa túsip, kóbeie bastaidy. Osylaisha adam infektsiia kózine ainalady", - deidi maman.
Ekpe saldyrǵannyń ózinde indetti basqalarǵa juqtyrý múmkindigin boldyrmaý úshin belgilengen sanitariia talaptaryn saqtaý qajet: maska taǵý, qoldy sabynmen jii jýý, adamdar kóp jinalatyn jerlerge barmaý.
Aita keteiik, aqparattyq qujatta vaktsinanyń tiimdiligin dáleldeitin aýqymdy klinikalyq zertteýler týraly jazylǵan. Iaǵni, preparatty saldyrǵan adam aǵzasynda COVID-19-dyń órshýin boldyrmaidy.
Qazaqstanda Pfizer/BioNTech óndirgen vaktsina qoldanylmaidy. Elimizde táýekel toptar men eriktilerge "Spýtnik V" vaktsinasy salynady.
"Osylaisha, óndirýshiler vaktsinanyń tiimdiligi tómen ekendigin moiyndaǵany týraly aqparat - halyqty aldaý jáne durys sheshimnen ainytý. Adamdarǵa vaktsinatsiiadan keiin de basqalardy qorǵaý úshin sanitariia talaptaryn saqtaý kerek ekenin eskertemiz", - deidi jazba avtory.
