Mańǵystaýda «KMG EP-Catering» JShS bas direktory para aldy dep aiyptalyp otyr, dep habarlaidy "Ult aqparat" Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
«KMG EP-Catering» JShS - Mańǵystaý oblysynyń aýmaǵynda ornalasqan «QazMunaiGaz» UK» AQ enshiles uiymdaryn tamaqtandyratyn «QazMunaiGazdyń» 100% enshiles uiymy.
Mańǵystaý oblysynyń sybailas jemqorlyqqa qarsy qyzmeti «KMG EP-Catering» JShS bas direktory men atalǵan seriktestiktiń satyp alý bóliminiń bastyǵyna qatysty «sybailas jemqorlyq qylmys jasady» degen kúdik boiynsha sotqa deiingi tergeýdi bastady.
Olar azyq-túlik alý jáne jetkizý máselesinde oń sheshim tanytqany jáne aldaǵy jasaityn qamqorlyǵy úshin jeke kásipkerden 3 mln teńge kóleminde para aldy degen kúdikke ilinip otyr.
Kúdiktiler men olardyń qorǵaýshylarynyń kinásin moiyndaýyna jáne kelý týraly mindettemesi jazylǵan ótinishtiń kelip túsýine bailanysty protsessýaldyq ustaý sharasy qoldanylǵan joq.
Sotqa deiingi tergeý jalǵasyp jatyr. Kúdiktilerge qatysty túpkilikti sheshimdi sot qabyldaidy.
