Foto: Jazýshylar odaǵy
Almatyda ótken «Qazirgi zamanǵy qazaq romany» ádebi jobasynyń qorytyndy saltanaty ulttyq ádebiet úshin mańyzdy oqiǵaǵa ainaldy. Joba qazirgi qazaq prozasyn damytýǵa, jańa esimderdi ádebietke tartýǵa jáne qoǵamdaǵy rýhani suranysty arttyrýǵa baǵyttalǵan aýqymdy bastama retinde baǵalandy, dep habarlaidy Ult.kz.
Jobaǵa 3000-nan astam ótinim túsip, olardyń ishinen 8 avtor finalǵa ótti. Finalisterdiń jeteýi 3 000 000 teńge kóleminde qalamaqy alyp, shyǵarmalary 1000 danamen jaryq kórdi. Kesh barysynda romandardyń tusaýkeseri ótip, olardyń 750 danasy Qazaqstan Respýblikasynyń Ulttyq kitaphanasy qoryna tabystaldy.
Finalister qatarynda Dýman Ramazan, Qýanysh Jienbai, Nurjan Qýantaiuly, Asqar Altai, Murat Almasbek, Qýat Borash, Aiym Aqyltai bar. Bas júlde – 15 000 000 teńge Júsipbek Qorǵasbekke «Kelndegi kókjal» romany úshin tabystaldy.
Joba ERG qoldaýymen júzege asyp, onyń direktorlar keńesiniń tóraǵasy Shýhrat Ibragimov ulttyq ádebiettiń mańyzyna erekshe toqtaldy.
Saltanatty sharaǵa Qazaqstan Jazýshylar odaǵy tóraǵasy Mereke Qulkenov, TÚRKSOI ókilderi, Beksultan Nurjekeuly jáne birqatar ziialy qaýym ókilderi qatysty.
Jalpy, bul joba Qazaqstan Jazýshylar odaǵy keńistiginde qazaq prozasynyń jańa kezeńge qadam basqanyn kórsetip, jas qalamgerlerge jol ashatyn mańyzdy ádebi alań retinde baǵalandy.
