Ekonomist Andrei Chebotarev Qazaqstanda suiytylǵan gazdyń nelikten qymbattaitynyn túsindirdi, dep habarlaidy QazAqparat qarjy sarapshysynyń avtorlyq kanalyna silteme jasap.
«Benzinge uqsas jaǵdai – naryqty uzaq ýaqyt boiy ustap turdy. 2022 jyldyń 1 qańtarynan bastap suiyltylǵan munai gazy saýdasynyń 100%-y taýarlyq birja arqyly ótedi», - deidi sarapshy.
QR Energetika ministrliginiń málimetinshe, elektrondyq saýda-sattyq arqyly gaz ótkizý naryqtyń barlyq qatysýshylary úshin teń dárejede júrgizilýde jáne gazdyń qajetti kólemin tikelei óndirýshilerden satyp alýǵa múmkindik beredi.
«Birjalyq saýda-sattyq jaǵdaiynda gazdyń bir litrin 60 teńgege qaitarýdy talap etý óte qyzyq (shyndyǵynda aqylǵa qonymsyz). Naryqtyq ekonomikada bul múmkin emes, árine», - dedi Andrei Chebotarev.
Budan buryn Mańǵystaý oblysynyń ákimdigi suiytylǵan gaz baǵasynyń qymbattaýy týraly pikir bildirdi jáne jii qoiylatyn suraqtarǵa jaýap berdi.
«Baidildinov. Neft» avtorlyq baǵdarlamasynyń júrgizýshisi Oljas Baidildinov te osy máselege qatysty pikir bildirdi.
«Suiytylǵan gazdyń baǵasy baiaǵyda ósýi kerek edi. Bul da basqa taýarlar siiaqty naryqtyq taýar. Onyń negizgi jabdyqtary, materialdar, shyǵyn materialdary – importtalady nemese halyqaralyq baǵalarǵa tikelei bailanysty bolady. Mysaly, metall Qazaqstanda óndiriledi, biraq tolyǵymen álemdik baǵalarǵa táýeldi», - dedi sarapshy.
