- QR Bas prokýror Jaqyp Asanov qolǵa alynǵan bastamalardyń aiaqsyz qaldyrmaýǵa ýáde berip otyr, dep xabarlaidy Ult.kz tilshisi QazAqparat agenttigine silteme jasap.
«Sońǵy jarty jyldyń ishinde biz biraz bastamany bastappyz. Osy oraida xalyq tarapynan suraq týyndaýy múmkin. Ol bastamalardyń nátijesi qashan bolady? Olar nemen bitedi? Meniń aitarym, joq, bizdiń bastamalarymyz aiaqsyz qalmaidy. Jarty jyldyń ishinde biz 40-tan astam jobany qolǵa aldyq. Árine, odan da kóp bolýy múmkin. Biraq bizge óte qatty kedergi jasap otyrǵan bir másele bar. Ol mynaý kúndelikti jumys, sol biýrokratiiamen, qaǵazbasty sharýamen, jalpy adamǵa da, memleketke de túk qajeti joq jumyspen biz qazir kúresip jatyrmyz. Sondyqtan nátije bolady», - dedi J.Asanov kásibi memlekettik apparatty qalyptastyrý máselelerine arnalǵan jiynda.
Onyń aitýynsha, búginde Bas prokýratýranyń bastamasymen qolǵa alynǵan árbir jobaǵa belgili bir maman jaýap beredi. Sondai-aq ár bastama boiynsha jospar bar. J.Asanov atqarylyp jatqan sharalardyń nátijesin únemi jariialap otyrýǵa ýáde berdi.
