QR Ulttyq banki "Qazinvestbank" AQ-ty banktik jáne ózge de operatsiialardy jáne baǵaly qaǵazdar naryǵynda qyzmetti júrgizýge berilgen litsenziiadan aiyrý týraly málimdeme jasady, - dep habarlaidy "Ult aqparat".
"Qazaqstan Respýblikasy Ulttyq Banki Basqarmasynyń 2016 jylǵy 26 jeltoqsandaǵy № 291 qaýlysyna sáikes "Qazinvestbank" AQ-ty (budan ári - Bank) "Qazaqstan Respýblikasyndaǵy bankter jáne bank qyzmeti týraly" Qazaqstan Respýblikasy Zańynyń (budan ári - Bankter týraly zań) 48-baby 1-tarmaǵynyń v) tarmaqshasynda kózdelgen negizder boiynsha, tólem jáne aýdarym operatsiialary boiynsha sharttyq mindettemelerdi únemi (qatarynan kúntizbelik on eki ai ishinde úsh jáne odan kóp ret) tiisinshe oryndamaǵany úshin Bankke Qazaqstan Respýblikasynyń Qarjy naryǵyn jáne qarjy uiymdaryn retteý men qadaǵalaý agenttigi (budan ári - Agenttik) banktik jáne ózge de operatsiialardy jáne baǵaly qaǵazdar naryǵynda qyzmetti júrgizýge bergen 2008 jylǵy 21 naýryzdaǵy № 221 litsenziiadan 2016 jylǵy 27 jeltoqsannan bastap aiyrý týraly sheshim qabyldandy", - delingen UB habarlamasynda.
Bank sektorynyń jiyntyq aktivteri men mindettemelerindegi Banktiń aktivteri men mindettemeleri úlesiniń tómen bolýyna bailanysty (0,7%) Bankti litsenziiadan aiyrý basqa qarjy uiymdary úshin táýekelderge ákelmeidi.
Qazaqstan Respýblikasy Ulttyq Banki Tóraǵasy orynbasarynyń 2016 jylǵy 26 jeltoqsandaǵy № 468 buiryǵymen ýaqytsha ákimshilik taǵaiyndaldy, oǵan Bankti basqarýdyń barlyq organdarynyń ókilettikteri ótti. Ýaqytsha ákimshilik sot taratý komissiiasyn taǵaiyndaǵanǵa deiin jumys isteitin bolady.
2016 jylǵy 27 jeltoqsannan bastap ýákiletti organnyń normativtik quqyqtyq aktilerinde kózdelgen shyǵystarǵa, Bankke kelip túsetin aqshany esepteýge bailanysty jaǵdailardy qospaǵanda, klientterdiń jáne Banktiń bank shottary boiynsha barlyq operatsiialar toqtatyldy.
Qazaqstan Respýblikasynyń Ulttyq Banki zańnamada belgilengen tártippen Banktiń qyzmetin májbúrlep toqtatý (taratý) týraly sotqa ótinish jasaidy.
Sot Bankti májbúrlep taratý týraly is qozǵaǵan kúnnen bastap bankti ustap turýǵa aǵymdaǵy shyǵystarǵa bailanysty talaptardy qospaǵanda, kreditorlardyń Bankke talaptary tek taratý óndirisinde ǵana usynylýy múmkin.
Bank jeke tulǵalardyń depozitterine mindetti kepildik berý júiesiniń qatysýshysy bolyp tabylady, osyǵan orai depozitorlarǵa belgilengen tártippen kepildik ótemi tólenetin bolady.
Ýaqytsha ákimshilik qyzmetiniń barlyq máseleleri boiynsha Ýaqytsha ákimshilik basshysy - D.M. Zinýllinaǵa ne Basshysynyń orynbasary A.L. Ottsovaǵa +77012224736 telefony boiynsha ótinish jasaý qajet.
Barlyq qyzyǵýshylyq tanytqan suraqtar boiynsha +7(727) 330 00 77 "jedel jeli" telefony boiynsha, sondai-aq QR Ulttyq Bankiniń Qarjylyq qyzmetterdi tutynýshylardyń quqyqtaryn qorǵaý jáne syrtqy kommýnikatsiialar basqarmasyna +7(727) 278 80 84 telefony boiynsha ótinish jasaýǵa bolady.
