Qylmystyq-atqarý júiesi (QAJ) mekemelerinde koronavirýs infektsiiasyna qarsy vaktsinalaý bastaldy, dep habarlaidy "Ult aqparat" Qylmystyq-atqarý júiesi komitetiniń baspasóz qyzmetine silteme jasap.
Baspasóz qyzmetiniń málimetterine qaraǵanda, egý jumystaryn qylmystyq-atqarý júiesiniń barlyq aýmaqtyq departamentterinde júrgizý josparlanyp otyr.
1 aqpannan bastap Qazaqstanda «Spýtnik V» vaktsinasyn paidalana otyryp, halyqty koronavirýs infektsiiasyna qarsy jappai vaktsinalaý bastaldy.
QR Bas memlekettik sanitariialyq dárigeriniń 2021 jylǵy 27 qańtardaǵy № 3 qaýlysyna sáikes juqtyrý qaýpi joǵary, ásirese virýs juqtyrýǵa jáne onyń taralýyna beiim adamdardyń tizimi anyqtaldy.
Qazirgi ýaqytta osy naýqandy halyqtyń tirkelý tizilimi sheńberinde QAJ mekemelerinde ustalatyn juqtyrý qaýpi basym toby arasynda ótkizý máselesi pysyqtalýda.
Vaktsina egiletin alǵashqy mekeme astanalyq qonys-koloniiasy, iaǵni Nur-Sultan qalasy boiynsha QAJD ETs-166/10 mekemesi boldy. Vaktsinalaý jumystary 9 naýryzda bastaldy, osy kezeńde 100-ge jýyq sottalǵan adamǵa vaktsina sátti salyndy, 60 adam preparatty qabyldaýdan bas tartty.
Aita keteiik, buǵan deiin Aqmola, Aqtóbe, Jambyl jáne Qyzylorda oblystarynyń QAJ jeke quramy vaktsina aldy, qalǵan QAJ departamentteri vaktsinalaýdy ótkizý kestesine sáikes alady.
Egiletin adam óz erkimen kelisimge nemese egýdi júrgizýden bas tartý paraǵyna qol qoiady. Protsedýra 21 kúndik aralyqta 2 kezeńnen turady.
COVID-19-ǵa qarsy vaktsinalaý is-sharasy aldynda mindetti túrde egiletin adamdy meditsina mamany qaraidy, mindetti túrde termometriia júrgiziledi jáne egiletin adamda allergiialyq reaktsiialardyń, sozylmaly aýrýlardyń bolýy tekseriledi.
Jiti virýsty infektsiialyq jáne infektsiialyq emes aýrýlar bolǵan jaǵdaida údemeli sozylmaly aýrýlary jáne allergiialyq reaktsiialary bar naýqastarǵa vaktsinatsiia jasalmaidy.
Egilgen adamdar 30 minýt boiy meditsinalyq bólimde baqylaýda bolady. Meditsina qyzmetkerleri men QAJ qyzmetkerlerin vaktsinalaý Politsiia departamentteriniń emhanalarynda, kúdiktilerdi, aiyptalýshylar men sottalǵandardy vaktsinalaý penitentsiarlyq júie mekemeleriniń meditsinalyq bólimderinde júzege asyrylady.
Elimizde barlyǵy 80 mekeme jumys isteidi, onda ustalatyndardyń sany shamamen 32 myń adamdy quraidy.
