Foto: QR TJM
Mańǵystaý oblysynyń basym bóliginde, Qyzylorda oblysynyń ortalyǵynda, ońtústiginde, Túrkistan oblysynyń soltústiginde, Atyraý oblysynyń ońtústiginde, Jetisý oblysynyń soltústiginde, Abai, Qaraǵandy oblystarynyń ońtústiginde joǵary órt qaýipi saqtalady. Bul týraly Astanada ótken brifingte “Qazgidromet” RMK baspasóz hatshysy Alina Ysmaǵulova málimdedi dep habarlaidy "Ult Aqparat".
"Atmosferalyq frontaldy bólikter QR territoriiasynyń basym bóliginde turaqsyz aýa-raiyn saqtaidy, naizaǵaimen jańbyr, ońtústik-shyǵystyń taýly aimaqtarynda jańbyr men qar túrinde jaýyn-shashyn jaýady. Tek elimizdiń ońtústik-batysyna, soltústik-batysynda, ortalyǵyna antitsiklon jotasy áserinen jaýyn-shashynsyz aýa-raiy kútiledi. Respýblika boiynsha jeldiń kúsheiýi, batysy men soltústiginde burshaq, ońtústik-batysy men ońtústiginde daýyl, shańdy daýyl, ońtústik-shyǵysynda tuman kútiledi. Túnde Jambyl oblysynyń shyǵysynda, taýly aýdandarynda 2 gradýs úsik kútiledi. ", - depdi “Qazgidromet” RMK baspasóz hatshysy Alina Ysmaǵulova Qazaqstan aimaqtarynda 2024 jylǵy 29 sáýirde bolatyn qaýipti meteorologiialyq qubylystarǵa boljaý konsýltatsiiasynda.
