«Qazgidromet» gidrologiia departamentiniń direktory Didar Jánibekuly sáýir aiyndaǵy aýa raiynyń boljamdaryn málim etti, - dep habarlaidy "Ult aqparat".
Ortalyq kommýnikatsiialar qyzmetinde ótken baspasóz máslihatynda «Qazgidromet» ókili sáýirdiń ortasynan bastap kún birde kúrt jylynyp, birde kúrt sýytatynyn aitty.
«Aldaǵy aptanyń sinoptikalyq boljamdaryna keletin bolsaq, Batys Qazaqstan, Aqtóbe, Qostanai, Soltústik Qazaqstan, Qaraǵandy, Shyǵys Qazaqstan, Pavlodar oblystarynda aýa raiynyń kúndizgi teperatýrasy +15, +20 gradýsqa, keibir jerlerde +23 gradýsqa deiin kóterilip, túnde +3,+5 gradýs jyly bolady degen boljam bar. Atalǵan jait qardyń erý protsesin odan ári kúsheitip, muz qursaýlaryn qozǵaltyp, sý deńgeiin kóterýi múmkin», - deidi sinoptik.
Bul jylymyq sáýir aiynyń qalǵan kúnderinde de jalǵasqanymen, arasynda kúnniń kúrt sýytýy da múmkin.
«Sáýir aiynyń II jáne III toqsanynda atalǵan aimaqtarda aýa temperatýrasy joǵarylap, kúndiz +5, +10 gardýs aralyǵynda, túnde +10 gardýsqa deiin kóteriledi dep boljap otyrmyz. Biraq sáýirdiń aýa raiy qubylmaly bolǵandyqtan, keibir kúnderi kúrt sýytýyn kútip otyrmyz. Atap aitsaq, kúndizgi temperatýra +3, +8 gardýsqa deiin tússe, túnde 0,-9 gardýs shamasynda boljanady», -dedi Didar Jánibekuly.
Ol, sondai-aq kúnniń bulaisha qubylýy tasqyn qaýpin jiiletetinin eskertti.
«Qaitalap aitqym keledi. Elimizdiń basym aimaqtarynda qardyń erýinen sý basý qaýipterin oryn alyp jatyr. Aldaǵy táýlikterde aýa raiynyń kúrt jylynyp, jaýyn-shashynnyń kóbeiýinen elimizdiń basym aimaǵynda sý deńgeii kóteriledi dep boljamdap otyrmyz», - dedi maman.
