"Qazaqtelekom" AQ bilim berý salasyna tsifrlyq sheshimderdi belsendi engizýdi jalǵastyrýda. Túrkistan oblysynyń eki mektebinde: Otyrar aýdany, Sháýildir aýylyndaǵy O. Jánibekov atyndaǵy №4 litsei-internatynda jáne Túrkistan qalasyndaǵy S. Rahimov atyndaǵy orta mektepte sátti iske asyrylǵan AQYLDY MEKTEP ("Aqyldy mektep") pilottyq jobasy aiasynda tsifrlyq qaýipsizdikti arttyrýǵa baǵyttalǵan ozyq telekommýnikatsiialyq jáne IT-sheshimder ornatyldy.
Joba trafigi iriktelgen internetten turatyn, jasandy intellekt elementteri bar Wi-Fi-men qamtylǵan, beine analitika júiesin jáne dabyl túimesin qamtityn keshendi tsifrlyq ekojúie. Bul sheshim jeli resýrstaryna turaqty qoljetimdilikti qamtamasyz etip qana qoimaidy, sonymen birge oqýshylar men qyzmetkerlerdiń qaýipsizdigine kepildik beredi.
"Qazaqtelekom" AQ Korporativtik biznes jónindegi divizionnyń mamandary Internet jelisine qoljetimdilikti qamtamasyz etti (500 Mb/s); Wi-Fi qamtý sany – 23 núkte Wi-Fi Target; ǵimaratta 117 núktege jergilikti jeli júrgizdi; 29 beinebaqylaý kamerasyn, onyń ishinde 14 danasyn qosymsha aýdiojazbany tirkeý fýnktsiiasymen ornatyp, iske qosty. Sondai-aq informatika kabinetterinde derekterdi 30 kúndik saqtaýmen aýdio-jáne beinetirkeý júiesi engizildi, bul oqý úderisine qashyqtan monitoring júrgizýge jáne baqylaý deńgeiin arttyrýǵa múmkindik beredi. Injenerlik quramnyń 4 brigadasy jumyldyryldy. Jumystar ýaqytynda oryndaldy. Biz tek tehnikalyq qosýdy ǵana emes, sonymen birge oqýshylar men oqytýshylar úshin sapaly tsifrlyq orta qurýǵa tyrystyq", - dep atap ótti "Qazaqtelekom" AQ KBD Ońtústik telekommýnikatsiia jelisin damytý ortalyǵynyń bastyǵy Almas Esmaǵambetov.
Esterińizge sala keteiik, osyndai jobalar Atyraý, Qonaev qalalarynyń mektepterinde jáne Almaty oblysynyń Arna aýylynda júzege asyrylǵan bolatyn.
Mektep infraqurylymyn belsendi tsifrlandyrǵany úshin "Qazaqtelekom" AQ Basqarma múshesi, Korporativtik biznes jónindegi divizionnyń bas direktory Álibek Indykbaev alǵys hatpen marapattaldy. Sonymen qatar, kompaniia Berlinde "TMD elderindegi aimaqtyq telekommýnikatsiia operatory 2024"
nominatsiiasy boiynsha bedeldi CC-GlobalAwards syilyǵyn jeńip alyp, halyqaralyq moiyndaýǵa ie boldy.
"Qazaqtelekom" Qazaqstannyń ziiatkerlik infraqurylymyn damytýǵa eleýli úles qosa otyryp, jahandyq trendterge ilesýdi jalǵastyrýda.
