Kún jylynyp, aýa raiynyń turaqtalýyna bailanysty birqatar oblysta jol ashyldy, dep habarlaidy "Ult aqparat".
Indýstriia jáne infraqurylymdyq damý ministrliginiń málimetinshe, búgin tańǵy 06:00 kezinde Aqmola oblysynda «Nur-Sultan-Ereimentaý-Shiderti» avtojolynyń 16-200 shaqyrymy ashylǵan.
Bul - Nur-Sultan qalasy men Pavlodar oblysynyń shekarasy aralyǵyndaǵy ýchaske.
Sonymen qatar, búgin tańerteń Aqmola oblysy shekarasynan Pavlodar oblysynyń Shiderti aýylyna deiingi tasjolda kóliktiń barlyq túrine júrýge ruqsat berildi. Bul - «Nur-Sultan -Ereimentaý-Shiderti» jolynyń 200-254 shaqyrymy.
Odan bólek, Shyǵys Qazaqstan oblysynda «Óskemen - Semei» avtojolynyń 10-198 shaqyrymynda kólik qozǵalysy jandandy.
Bul - Gerasimovka aýylynan bastap Semei qalasyna deiin aparatyn jol.
Búgin tańǵy 08:00 bastap «Óskemen-Altai-Úlken Naryn-Qatonqaraǵai-Rahman bulaǵy» jolynyń 7-66 shaqyrymy, atap aitqanda Ýshanov aýylynan Serebriansk qalasyna deiingi aralyq ta ashyldy.
