Qazaqstannyń ultaralyq tatýlyǵy bizge úlgi bola alady. Mundai pikirdi AQSh-tyń Qaýipsizdiktiń jahandyq institýtynyń prezidenti Djonatan Granoff bildirdi, dep habarlaidy QazAqparat.
«Klimattyq ózgerister siiaqty pandemiiaǵa da shekara joq. Degenmen, qarjylyq júie biriktirilgen jáne onyń shekarasy bar. otteginiń 50-70 paiyzyn muhittaǵy planktonnan alamyz. Muhit da ottegi bóletin orman siiaqty sheksiz. Búkil álem úlken bir otbasy sanalady jáne bir-birimizben kórshimiz. Sondyqtan tabiǵatty qorǵaý úshin bir-birimizben yntymaqtastyqta bolýymyz kerek», - dedi ol Astana klýbynyń 6-otyrysy aiasynda BAQ ókilderine bergen suhbatynda.
Sonymen qatar Djonatan Granoff AQSh-tyń Qazaqstannyń iadrolyq qarýsyzdanýy, etnostardyń bir aýmaqta beibit ómir súrýi AQSh-qa úlgi bolatyndyǵyn basa aitty.
«Qazaqstan kóptegen din men ult ókilderi beibit ómir súretin, birneshe til erkin qoldanylatyn jáne eshqandai ultaralyq janjal joq el. Osy arqyly sizder álemge úlgi bola alasyzdar. Tipti sizderde osynaý alýantúrlilikke arnalǵan mereke de bar. osy turǵyda Qazaqstan bizge úlgi bola alady. Munan bólek, Qazaqstannyń iadrolyq qarýdan bas tartqanyn bilemiz. Sizderde 1,4 myń iadrolyq oqtumsyq boldy. Álemde iadrolyq oqtumsyqtardyń sany 65 myńnan 14 myńǵa qysqardy. Bul da jetistik ári osyǵan umtyla berýimiz kerek», - dedi AQSh sarapshysy.
