Qazaqstannyń Ýkrainadaǵy jańa Qurmetti konsýly taǵaiyndaldy. Bul týraly QR Syrtqy ister ministrliginen málim etti, dep habarlaidy "Ult aqparat".
«Ýkrainanyń Syrtqy ister ministrliginde Qazaqstannyń Dnepr qalasyndaǵy jańa Qurmetti konsýly Inna Medianikke konsýldyq ekzekvatýrany resmi tapsyrý sharasy ótti.
Ekzekvatýrany Ýkraina Syrtqy ister ministriniń orynbasary Evgenii Enin Qazaqstannyń Ýkrainadaǵy Elshisi Darhan Káletaevtyń qatysýymen tapsyrdy», - dedi ministrlikten.
Taraptar eki el arasyndaǵy ózara is-qimyldyń barlyq salalarynda yntymaqtastyqty odan ári tereńdetýge senim bildirdi.
Aita keteiik, Qurmetti konsýldyq – Qurmetti konsýl (shtattan tys) basshylyq etetin mekeme. Qurmetti konsýl ózi ókildik etetin elde memlekettik laýazym atqarmaityn, óz qyzmetin tegin negizde oryndaityn azamat. Onyń mindetine ózi ókildik etetin memleket pen onyń azamattarynyń quqyǵyn qorǵaý kiredi. Alaida ol viza jáne ózge de resmi qujattardy berý máselesine jaýap bermeidi.
